"აშშ-ის საერთაშორისო განვითარების სააგენტოს (USAID) ძლიერი სოფლის პროგრამა" აცხადებს საგრანტო კონკურსს, რომელიც ხელს შეუწყობს ფინანსური ბიზნეს საკონსულტაციო მომსახურების მიმწოდებლების (FBSP) გაძლიერებას, რომლებიც მუშაობენ ან წარმომადგენლობა ჰყავთ პროგრამის სამიზნე რეგიონებში (შიდა ქართლი, მცხეთა-მთიანეთი, იმერეთი, სამეგრელო-ზემო სვანეთი და რაჭა-ლეჩხუმი და ქვემო სვანეთი). პროგრამის მიზანია ხელი შეუწყოს ფინანსური ბიზნეს საკონსულტაციო მომსახურების მომწოდებლებს, დაუკავშირდნენ ადმინისტრაციული საზღვრის მიმდებარე თემებში მოქმედ ბიზნესებს.

იხილეთ ამ განცხადების სრული ტექსტი მიბმულ ფაილში.

USDA-ის მიერ დაფინანსებული და "Land O`Lakes International Development Georgia" (Ventue37)-ის მიერ განხორციელებული 8 წლიანი პროექტი "ინვესტირება უვნებელ და ხარისხიან მესაქონლეობაში (SQIL)" აცხადებს საგრანტო კონკურს: სურსათის უვნებლობის მენეჯმენტის სისტემების სერტიფიცირება საქონლის ხორცისა და რძის პროდუქტების გადამამუშავებლების (მათ შორის სასაკლაოები), ცხოველთა საკვების და ვეტ-პრეპარატების მწარმოებელთათვის საქართველოში. აღნიშნული APS-ის ფარგლებში, მიღებული დაფინანსება ხელს შეუწყობს რძის და საქონლის ხორცის გადამამუშავებლებს (სასაკლაოების ჩათვლით), აგრეთვე, ცხოველთა საკვების და ვეტ პრეპარატების მწარმოებლებს გააუმჯობესონ სურსათის უვნებლობის სტანდარტები, წარმოებული პროდუქციის ხარისხი და ბაზრებზე ხელმისაწვდომობა. აღნიშნული მიზნები განხორციელდება სურსათის უვნებლობის მენეჯმენტის ისეთი სისტემების დანერგვითა და სერტიფიცირებით, როგორებიცაა: GMP, HACCP, ISO 22000:2018, FSSC22000, BRCGS და ა.შ.

განაცხადების მიღება შესაძლებელია ნებისმიერ დროს 2024 წლის 29 თებერვლის ჩათვლით, კომისია მიღებულ განაცხადებს განიხილავს ყოველთვიურად.