ფილტრი

ტენდერები

საგრანტო კონკურსი ადვოკატირების პლატფორმის შესაქმნელად

ID 1722

საერთაშორისო ორგანიზაცია "HEKS/EPER GEORGIA", ევროკავშირის (EU) ფინანსური ხელშეწყობით პროექტის "სამოქალაქო საზოგადოების გაძლიერება სოციალურ, ეკონომიკურ და პოლიტიკურ ცხოვრებაში თანაბარი და სრულყოფილი მონაწილეობისთვის" ფარგლებში აცხადებს საგრანტო კონკურსს მედიისა და საზოგადოებრივი ორგანიზაციების პლატფორმებისთვის.

საგრანტო კონკურსის მიზანია შეიქმნას სამოქალაქო საზოგადოებისა და მედია ორგანიზაციების ადვოკატირების პლატფორმა, რომელიც უზრუნველყოფს ეთნიკური უმცირესობების საკითხებზე და მათთვის ინფორმაციაზე ხელმისაწვდომობის გაზრდასთან დაკავშირებული დიალოგის ინიცირებას და შესაბამისი გადაწყვეტილებების მიღების სტიმულირებას.

პროექტი ხორციელდება ქვემო ქართლის და სამცხე-ჯავახეთის ექვს მუნიციპალიტეტში (მარნეული, ბოლნისი, დმანისი, ახალციხე, ახალქალაქი და ნინოწმინდა).

დაგეგმილია 4 რეგიონალური პლატფორმის შერჩევა, მათ შორის 2 ქვემო ქართლში და 2 სამცხე-ჯავახეთში.

აღნიშნული საქმიანობების განსახორციელებლად პროექტის ფარგლებში თითო პლატფორმისთვის გამოყოფილი არის მაქსიმუმ 14 000 ლარი (5 000 ევროს ექვივალენტი ლარში).

კონკურსში მონაწილეობის მიღება შეუძლიათ რეგიონალურ (რეგისტრირებულ ან არარეგისტრირებულ) პლატფორმებს.

დეტალური ინფორმაციისთვის გთხოვთ იხილოთ პროექტის ფეისბუქ გვერდი https://www.facebook.com/projectKKSJ ან დაუკავშირდეთ პროექტის წარმომადგენლებს.

განაცხადის ფორმის და კონკურსის აღწერისთვის გთხოვთ ეწვიოთ შემდეგ ბმულს: https://docs.google.com/document/d/1GZihGQx65nGa7CT3zIJiSR-Dl8iiVFbu14DtqpYFBbM/edit?usp=sharing ან დაუკავშირდეთ პროექტის წარმომადგენლებს.

საინფორმაციო შეხვედრაზე დასასწრებად, რომელიც გაიმართება 15 მარტს, 15:00 საათზე, გთხოვთ გაიაროთ რეგისტრაცია შემდეგ ბმულზე: https://forms.gle/aL3tErxKr3R8t18c7

პროექტის მენეჯერი გიორგი თვალიაშვილი [email protected] 599 989 545
პროექტის კოორდინატორი ოლგა ენდელაძე [email protected] 599 457 960
რეგიონალური კოორდინატორი ქვემო ქართლში გურანდა ჭავჭავაძე [email protected] 595 674 165
რეგიონალური კოორდინატორი სამცხე-ჯავახეთში მამუკა ბექაური [email protected] 551 286 555.

გისურვებთ წარმატებას!

განთ. 14 მარტი 11:47

ბოლო ვადა 11 აპრილი 00:00

ჟურნალისტური სტარტაპების საგრანტო პროგრამა

ID 1715

"USAID მედია პროგრამის", ჟურნალისტური სტარტაპების საგრანტო პროგრამაზე განაცხადების მიღება განახლდა!

თუ ფიქრობ საზოგადოების ინფორმირების ინოვაციურ გზებზე და გაქვს იდეა, ჩამოაყალიბე საინტერესოდ და გამოგვიგზავნე: [email protected]

დამატებითი ინფორმაცია და აპლიკაციის ფორმები: https://shorturl.at/sDPWZ

USAID/Georgia-ს მედია პროგრამის საგრანტო კონკურსის მიზანი მედიის სფეროში ინოვაციების, ახალი მიდგომებისა, სტარტაპების ხელშეწყობა და ეკონომიკურად მდგრადი ბიზნეს მოდელების შექმნაა.

განთ. 8 მარტი 16:01

ბოლო ვადა 24 აგვისტო 00:00

საგრანტო კონკურსი სტრატეგიული სამართალწარმოებისთვის

ID 1713

"USAID სამართლის უზენაესობის პროგრამა" არის ხუთწლიანი (2022-2026) პროგრამა, რომელსაც აფინანსებს ამერიკის შეერთებული შტატების საერთაშორისო განვითარების სააგენტო (USAID) და ახორციელებს აღმოსავლეთ-დასავლეთის მართვის ინსტიტუტი (EWMI). პროგრამის მიზანია საქართველოში კანონის უზენაესობის გაძლიერება მართლმსაჯულების ინსტიტუტების დამოუკიდებლობისა და ეფექტიანობის ხელშეწყობის, საზოგადოების ყველა ფენისთვის მართლმსაჯულებაზე უკეთესი ხელმისაწვდომობის უზრუნველყოფისა და ზემოაღნიშნულ ინსტიტუტებზე მოქალაქეებისა და ინსტიტუციური ზედამხედველობის გაძლიერების გზით.

"USAID სამართლის უზენაესობის პროგრამა" აცხადებს საპროექტო წინადადების კონკურსს, რომელიც სტრატეგიული სამართალწარმოების მეშვეობით ხელს შეუწყობს საქართველოში ადამიანის უფლებების დაცვის გაუმჯობესებას. პროგრამა ხელს შეუწყობს არასამთავრობო ორგანიზაციების სტრატეგიულ სამართალწარმოებას შემდეგ საკითხებზე: გამოხატვისა და შეკრების თავისუფლება; მედია და ჟურნალისტები; სამართლიანი სასამართლოს უფლება; გარემოსდაცვითი უფლებები; ქალთა მიმართ ძალადობისა და სექსუალური შევიწროებისგან დაცვა; ბავშვის უფლებები; შეზღუდული შესაძლებლობის მქონე პირთა უფლებები; ეთნიკური და რელიგიური უმცირესობებისა და ლგბტქია+ თემის უფლებები.

საკონკურსო პირობების შესახებ სრულ ინფორმაციას (განაცხადის და ბიუჯეტის ფორმებთან ერთად) შეგიძლიათ გაეცნოთ ამ ბმულზე.

განაცხადების წარდგენის ბოლო ვადა: 5 აპრილი, 2024 წელი. შუაღამე (ქართული დროით).

განთ. 8 მარტი 15:57

ბოლო ვადა 5 აპრილი 00:00

საგრანტო კონკურსი - კულტურის ევროპული სივრცეები

ID 1570

ევროკომისიის მიერ თანადაფინანსებული ინიციატივა, „კულტურის ევროპული სივრცეები“ (European Spaces of Culture), ევროკავშირის არაწევრ ქვეყნებში კულტურულ სფეროში თანამშრომლობისთვის ახალ იდეებს ეძებს. თანამშრომლობაში ჩაერთვებიან ევროკავშირის ეროვნული კულტურის ინსტიტუტის (EUNIC) წევრები, ევროკავშირი და მისი ის ადგილობრივი პარტნიორები, რომლებიც ევროკავშირის გარეთ საქმიანობენ.

კონკურსის მიზანია, გამოავლინოს იდეები კულტურული ურთიერთობების ახალი პროექტებისთვის, რომლებიც საერთაშორისო კულტურული ურთიერთობების სფეროში ევროკავშირის პოლიტიკის განვითარებას შეუწყობს ხელს.

საკონკურსო წინადადებების შეტანა შეუძლიათ პარტნიორთა გუნდებს: პროექტში აქტიურად უნდა მონაწილეობდნენ EUNIC-ის სულ მცირე სამი წევრი, სამი ადგილობრივი პარტნიორი და ევროკავშირის წარმომადგენლობა.

ყველა წარმოდგენილი პროექტი უნდა განხორციელდეს 2024 წლის 1 ივნისიდან 2025 წლის 31 ოქტომბრამდე პერიოდში.

ცალკეული გრანტის მოცულობა 60 000 ევრომდეა. პარტნიორების ან ნებისმიერი მესამე მხარის მიერ თანადაფინანსება სავალდებულო არ არის, თუმცა სასურველად მიიჩნევა.

საპროექტო იდეების წარდგენის ბოლო ვადაა 2023 წლის 17 დეკემბერი. საბოლოო გეგმების წარდგენა კი კანდიდატებს 2024 წლის აპრილში მოუწევთ.

დამატებითი ინფორმაცია იხილეთ ბმულზე. 

განთ. 15 დეკემბერი 2023 14:27

ბოლო ვადა 31 ოქტომბერი 2025 00:00

საგრანტო კონკურსი - ერთიანობა მრავალფეროვნებაშია

ID 1569

USAID-ის პროგრამა „ერთიანობა მრავალფეროვნებაშია“ (USAID Unity Through Diversity Program) იწყებს განაცხადების მიღებას საქართველოს ინტეგრაციის საგრანტო შესაძლებლობის ფარგლებში (Georgia Integration Grants Facility - IGF), რომლის მიზანია საქართველოს სამოქალაქო და ეკონომიკური ინტეგრაციის ხელშეწყობა.

USAID-ის ხუთლწლიანი (2023-2027) პროგრამა „ერთიანობა მრავალფეროვნებაშია“ ხორციელდება საქართველოს გაეროს ასოციაციის (UNAG) მიერ და მიზნად ისახავს საჯარო, კერძო და სამოქლაქო აქტორებთან მჭიდრო თანამშრომლობით საქართველოში სამოქალაქო ერთიანობისა და იდენტობის განმტკიცების, სამოქალაქო ჩართულობის, თანასწორობის და ინკლუზიური ეკონომიკური კავშირების განვითარების ხელშეწყობას.

გამოცხადების თარიღი: 2023 წლის 8 მაისი

განაცხადების მიღება: ღია კარის საგრანტო შესაძლებლობა.

საქართველოს გაეროს ასოციაცია გრანტების შესარჩევ გუნდთან/კომისიასთან ერთად წარდგენილ საპროექტო განაცხადებს სისტემატურად განიხილავს.

პირველი საინფორმაციო შეხვედრა: 2023 წლის 31 მაისი, 12:00, https://us06web.zoom.us/j/85499491396 ; Meeting ID: 854 9949 1396

ყველა საგნრატო განაცხადი უნდა გაიგზავნოს ელექტრონულად, შემდეგ ელ. ფოსტაზე: [email protected], ხოლო subject line -ში უნდა მიეთითოს „Georgia Integration Grants Facility“.

საგრანტო განაცხადის წარსადგენად, გთხოვთ, იხილეთ თანდართული დეტალური ინფორმაცია.

USAID Unity Through Diversity Program is pleased to announce the Request for Applications for the Georgia Integration Grants Facility (IGF) to support the activities that will contribute to the inclusive civic and economic development of Georgia.

USAID Unity Through Diversity Program, a 5-year program (2023-2027) implemented by the United Nations Association Georgia (UNAG) supports public, private sectors and civil society to create a comprehensive framework for addressing political, social, and societal resilience by involving Georgia’s ethnic and religious minorities in national and local policy development and by strengthening mutually beneficial social, civic, and economic linkages between minority and majority populations.

Announcement date: May 8, 2023

Applications deadline: Open Door Opportunity.

The United Nations Association of Georgia systematically reviews the submitted project applications together with the Grant Review Team/Commission.

First information meeting: May 31, 2023, 12:00, https://us06web.zoom.us/j/85499491396 ; Meeting ID: 854 9949 1396

All grant applications must be sent electronically to the following email address: [email protected]"Georgia Integration Grants Facility" should be indicated in the subject line.

To submit a grant application, please see the attached detailed information.

 

განთ. 15 დეკემბერი 2023 14:19

ბოლო ვადა 31 დეკემბერი 2025 00:00

ღია კარის საგრანტო პროგრამა

ID 1555

"USAID სამართლის უზენაესობის პროგრამა" არის ხუთწლიანი (2022-2026) პროგრამა, რომელსაც აფინანსებს ამერიკის შეერთებული შტატების განვითარების სააგენტო (USAID) და ახორციელებს "აღმოსავლეთ-დასავლეთის მართვის ინსტიტუტი" (EWMI). პროგრამის მიზანს წარმოადგენს საქართველოში კანონის უზენაესობის გაძლიერება, მართლმსაჯულების ინსტიტუტების დამოუკიდებლობისა და ეფექტიანობის ხელშეწყობის, საზოგადოების ყველა ფენისთვის მართლმსაჯულებაზე უკეთესი ხელმისაწვდომობის უზრუნველყოფის, და ზემოაღნიშნულ ინსტიტუტებზე მოქალაქეთა და ინსტიტუციური ზედამხედველობის გაძლიერების გზით.

ღია კარის საგრანტო პროგრამა მხარს დაუჭერს სამოქალაქო საზოგადოების ორგანიზაციებისა და მოქალაქეთა არარეგისტრირებული ჯგუფების პროექტებს, რომლებიც მართლმსაჯულების გამოწვევების ინოვაციური გადაწყვეტის გზებს შეიცავს. მათ შორის კვლევებს, ადვოკატირებას, თანამშრომლობითი და ცნობიერების ამაღლების პროექტებს, რომლებიც ხელს შეუწყობს მართლმსაჯულების სექტორის დამოუკიდებლობის, გამჭვირვალობის, ეფექტიანობისა და ხელმისაწვდომობის გაზრდას, და მართლმსაჯულების სისტემაში საზოგადოების ჩართულობასა და საზოგადოებასთან მის დაახლოებას. პროგრამა მიესალმება ინიციატივებსა და მიდგომებს, რომლებიც "საზოგადოებაზე ორიენტირებული მართლმსაჯულების" პრინციპებს ეფუძნება.

პროგრამის პირობების ტექსტის სრული ვერსია, განაცხადის და ბიუჯეტის ფორმებთან ერთად შეგიძლიათ: იხილოთ ბმულზე.

საპროექტო წინადადებები რამდენიმე ეტაპად განიხილება.

პროექტების წარდგენის ვადებია:

** 20 ნოემბერი, 2023;
** 12 თებერვალი, 2024;
** 22 აპრილი, 2024.

განთ. 8 დეკემბერი 2023 17:57

ბოლო ვადა 22 აპრილი 00:00